Í fyrirlestrinum 'Einelti á vinnustað' er fjallað um birtingarmyndir eineltis á vinnustað, hvað einkennir þá einstaklinga sem „liggja vel við höggi" og þá sem leggja aðra í einelti.

Einelti er oft á tíðum réttlætt sem eðlilegur þáttur í vinnuumhverfi og "falið" bak við félagslegar venjur og hegðun.

Ef marka má umræðu í samfélaginu um einelti á vinnustöðum verður ljóst, að ekki er ástæða til að ætla annað en vinnustaðaeinelti viðgangist hér á landi í talsverðum mæli.

Fjallað er um áhrif og afleiðingar eineltis og að síðustu, hvaða úrræði eru vænleg í baráttunni gegn einelti á vinnustöðum.