|
Því barni sem hefur gott sjálfstraust eru allir vegir færir ...
Markmiðið með námskeiðinu Uppeldi á öflugum nótum er að hjálpa foreldrum að tileinka sér einfaldar og öflugar aðferðir til að ná góðum árangri í uppeldinu.
 Kenndar verða aðferðir til að:
- Setja börnum skýr mörk án þess að refsa.
- Efla sjálfsmynd og sjálfstraust barna.
- Sigrast á tilfinningalegum hindrunum í vegi árangursríks uppeldis.
- Efla jákvæð samskipti foreldra og barna.
Námskeiðið er byggt upp af stuttum fyrirlestrum, umræðum, hóp- og einstaklingsverkefnum. Vinnuhefti er innifalið.
Lengd: 4 ½ klst.
Leiðbeinendur: Marteinn Steinar Jónsson, sálfræðingur, og Guðmundur Karl Brynjarsson, sóknarprestur. |
|
|
 Námskeiðið er ætlað öllum þeim sem vilja auka við þekkingu sína á aðferðum til að byggja upp aukinn trúnað og traust.
Námskeiðið er grundvallað á þeirri staðreynd að heilindi og traust eru hornsteinar velgengi og farsældar í mannlegum samskiptum, hvort sem um sé að ræða vinasambönd, fjölskyldur, viðskipti eða stjórnarfar.
Án trausts eru samskipti okkar dæmd til að mistakast, eins og dæmin í kringum okkur sanna.
|
|
Lesa meira...
|
 Námskeiðið, 'Seigla er kjarni sigurviljans er ætlað öllum þeim sem vilja efla árangursríkt hugarfar og er byggt á metsölubókinni 'Þú getur ...' sem kom út í árslok 2008.
Námskeiðið er þjálfunarnámskeið sem hvetur til bjartsýni og athafnagleði á óvissutímum. Þátttakendur fá tækifæri til að efla hæfni sína til að takast á við krefjandi aðstæður af styrk og baráttugleði. Lögð er áhersla á mikilvægi þess að líta á viðfangefni lífsins sem kærkomið tækifæri til þjálfunar.
|
|
Lesa meira...
|
|
Fólk á í mörgum tilfellum mjög erfitt með að yfirstíga tilfinningalegar hindranir sem hamla fyrirgefningu. Oft er um alvarleg særindi að ræða.
Farið er ofan í saumana á:
- Orsökum og ástæðum þess að erfitt getur verið að fyrirgefa.
- Hvernig unnt er yfirstíga tilfinningalegan skaða.
 Hvernig við megnum að fyrirgefa.
Ferli fyrirgefningarinnar:
- Fyrsti áfangi Mikilvægi þess að ‘kortleggja’ sálræn meiðsl.
- Annar áfangi Að gangast við því sem mér tilheyrir.
- Þriðji áfangi Vilji til að draga þann seka til ábyrgðar.
- Fjórði áfangi Að jafna metin.
- Fimmti áfangi Að velja að fyrirgefa.
- Sjötti áfangi Ný sjálfsmynd.
Lengd: 6 kennslustundir.
|
|
|
|
|
|
