|
Úttekt og úrlausn er viðurkenndur þjónustuaðili Vinnueftirlits Ríkisins á sviði  sálfélagslegra áhættuþátta vinnuverndar. Hér er átt við alla þá sálfræðilegu og félagslegu áhrifaþætti er varða öruggt og heilsusamlegt starfsumhverfi.
Dæmi um sálfélagslega áhættuþætti:
- Starfsskilyrði og streituálag á vinnustað.
- Félagslegur og andlegur aðbúnaður á vinnustað.
- Samskipti starfsmanna, stjórnenda, viðskiptavina, þjónustuþega.
- Samþætting vinnu og einkalífs.
- Einelti á vinnustað.
- Kulnun í starfi.
Fyrirbyggjandi vinna er ávallt betri kostur en að þurfa að grípa til ráðstafana þegar í óefni er komið.
Dæmi um verkefni
- Lausn ágreinings og efling starfsanda á vinnustað.
- Stuðningur, ráðgjöf og handleiðsla fyrir stjórnendur, starfsmenn og starfshópa.
- Efling liðsheilda. Úttekt á samstarfshæfni og getu til að vinna í teymi.
- Vinna með fyrirtækjamenningu. Oft er brýnt að breyta viðteknum hugsanahætti sem vinnur getu stjórnenda og starfsmanna til að feta nýjar brautir.
- Starfsmannaval og hæfnismat.
- Stjórnendaþjálfun
Ávinningur úttektar
- Nákvæm athugun á afstöðu, upplifun og viðhorfum starfsmanna og starfshópa stuðlar að því að gögnin verða á „tungumáli” þátttakenda.
- Starfsmenn eru af þeim sökum mun líklegri til að „eigna” sér niðurstöður úttektar og leggja sig fram af áhuga við úrlausn þess sem við er að glíma.
- Að öðrum kosti getur andstaða myndast sem vinnur gegn þeim árangri sem óskað er eftir.
Ferill úttektar:
- Forsvarsmenn setja fram væntingar og óskir um viðfangsefnið. Málin eru rædd.
- Kynningarfundur með starfsmönnum. Tækifæri til að ræða málin, spyrja spurninga.
- Markhópur úttektar afmarkaður og persónuleg viðtöl tekin við hlutaðeigandi aðila.
- Úrvinnsla gagna.
- Niðurstöður úttektar eru settar fram í skriflegri greinargerð ásamt aðgerðaráætlun til lausnar vandans.
- Niðurstöður kynntar hlutaðeigandi aðilum.
- Verkefnum fylgt eftir þar til ásættanlegur árangur er í höfn.
Allar upplýsingar eru meðhöndlaðar af fyllstu gætni og í samræmi við siðareglur sálfræðinga um trúnað. Þess er gætt að ekki sé hægt að rekja þær upplýsinga sem fram koma til einstakra þátttakenda.
|
