Úttekt og úrlausn var stofnað í mars 1998 af Marteini Steinari Jónssyni sálfræðingi.

Þjónusta á sviði fyrirtækja- og vinnusálfræði fyrir einstaklinga, starfshópa og stærri skipulagsheildir. Þar ber helst að nefna úttekt, greiningu og úrlausn meints eineltis á vinnustað eða samskiptavanda; fræðsla, fyrirlestrar og námskeið, til dæmis um streituvanda á vinnustað og leiðir til lausnar; lausnarmiðuð vinna (Solution Focused Coaching) við úrlausn vandamála af ýmsu tagi; ráðgjöf, handleiðsla og þjálfun fyrir almenna starfsmenn, stjórnendur og starfshópa.

Markmið Úttektar og úrlausnar er að efla hæfni og getu vinnustaða, starfsmanna og stjórnenda í tengslum við þau viðfangsefni sem máli skipta fyrir góðan árangur, farsæl samskipti og vellíðan í starfi.

Viðurkenndur þjónustuaðili - Úttekt og úrlausn er viðurkenndur þjónustuaðili Vinnueftirlits ríkisins á sviði vinnuverndar (með áherslu á andlega og félagslega áhættuþætti á vinnustöðum). Á vefsíðu Vinnueftirlits ríkisins kemur fram:

„Sérfræðingur [viðurkenndur þjónustuaðili], sem vinnur að heilsuvernd á vinnustað, skal starfa sem óháður, sérfróður aðili. Hann skal vera atvinnurekendum, fulltrúum þeirra og launafólki til ráðuneytis og ráðgjafar, svo og öryggistrúnaðarmönnum og öryggisvörðum, við að skapa sem öruggast og heilsusamlegast vinnuumhverfi".

Almenn sálfræðiþjónusta -  Úttekt og úrlausn sinnir sálfræðiþjónustu fyrir einstaklinga, pör, fjölskyldur og börn.

Vinnustofan er ætluð þeim sem vilja efla og þjálfa hæfni sína til að takast á við ágreining og krefjandi samskipti. Þátttakendur fá í hendur öflug ,verkfæri' þekkingar til betri árangurs á sviði samskipta.

Lýsing: Markmið vinnustofunnar ,Lausn ágreinings og efling samskipta á vinnustað‘ er að efla og þjálfa stjórnendur og starfsmenn til samskipta og samvinnu og þá einkum þegar upp koma erfið ágreiningsmál.

Meðal annars er fjallað um:

• dýpri áhrifaþætti og forsendur samskipta (þá einkum í tengslum við ágreining).
• Grunnforsendur árangursríkrar samtalstækni.
• ástæður mótstöðu (resistance) í samskiptum og hvernig við getum greint hvað er á ferð.
• hvernig við getum haft jákvæð áhrif á aðra þó við mætum harðri andstöðu.
• samskiptaleikni og lausnarmiðaða nálgun.

Hugmyndin með vinnustofunni er að færa fólki „verkfæri", þekkingu og aðferðir sem stuðla að yfirvegun og leikni í samskiptum.

Byltingarkennd nýjung - greiningartæki (hugbúnaður) í þágu fyrirtækja og stofnana

• Bylting í framsetningu upplýsinga. Á einu augabragði er hægt að greina öll mikilvægustu lykilatriðin.
• Einstaklega öflugt þekkingar- og gæðastjórnunartæki.
• Afraksturinn tryggir trausta og skilvirka ákvarðanatöku.
• Unnið er með persónlegar upplýsingar frá einstaklingum, hópum og stærri skipulagsheildum án þess að hið persónulega og sértæka glatist við úrvinnslu.
• Samþættir eiginlega (qualitative) og megindlega (quantitative) nálgun í rannsóknum.
  

Niðurstöður birtast myndrænt
(í hreyfanlegu þrívíddarrými) auk ýtarlegra tölfræðilegra greiningarupplýsinga.

Sjá nánar: Glærukynning á Repertory Grid (PDF)

Úttekt og úrlausn er eini aðilinn á Íslandi sem býður upp á notkun greiningartækisins (hugbúnaðarins) við úttekt og ráðgjöf.

Á allra síðustu árum hefur öflug sálfræðileg meðferðartækni rutt sér til rúms sem nýtist við meðferð djúpstæðs tilfinningavanda af margvíslegum toga, þá einkum eftiráfalls- og álagsröskunar (Post Traumatic Stress Disorder). Hér er átt við alvarlegan tilfinningavanda sem myndast getur af margvíslegum orsökum, svo sem tilfinningalegu og líkamlegu ofbeldi; kynferðislegri misnotkun; nauðgun; heimilisofbeldi; alvarlegum áföllum og slysum; náttúruhamförum (snjóflóðum, jarðskjálftum, o.s.frv.) og fl.